Biletbok. Urmakar Pisani sin spesialitet er veggur med levande fuglar. Inni klokkekassane sit levande paradisfuglar, ribba for svingfjøra sine, og varslar tida. Pisani plar å kjøpe fuglane av ein fuglefangar. Ein dag kjem fuglefangaren som vanleg med ein flott, ung paradisfugl. Men den nye fuglen er ikkje som dei andre fuglane. Han vil ikkje utan vidare gå med på å leve eit liv vingestekka og innestengt i ei lita kasse. Frode Grytten er velkjend for dei fleste som vaksenbokforfattar. For barn har han skrive ei bok tidlegare, biletboka "Frosken Vertigo og det store spranget" fra 1999. Illustraøren har tidlegare utgitt biletboka "Svinepelsens hevn".
