Noam Chomsky er våre dagars fremste språkforskar og han er skaparen av den generative grammatikken. Sidan han begynte forskarkarrieren på 1950-talet har han i tillegg markert seg som ein skarp politisk skribent i USA. Denne boka gir ein lettfatteleg presentasjon av Noam Chomskys språkteoriar og den generative grammatikken. Utgangspunktet er at språket er ein medfødd eigenskap hos mennesket. Dette har gitt eit nytt syn på grammatikk og andre språkdisiplinar, men har òg fått stor innverknad på moderne psykologi og filosofi. Faarlund presenterer teorien på ein slik måte at han blir tilgjengeleg for folk utan formell bakgrunnskunnskap i grammatikk eller lingvistikk. Har bibliografi, notar og register.
