Trur du at du sjølv bestemmer kva slags mat som hamnar i kjøleskapet ditt? Da bør du kanskje tenke om att, meiner Siri Helle. I Noreg leverer tre daglegvarekjeder 99 % av maten vi et. Det følgjer at desse kjedene har stor marknadsmakt, men dei påverkar òg korleis byromma våre ser ut, dyrevelferd og miljø. I denne pamfletten undersøker Siri Helle kven som bestemmer over maten vi et, men òg korleis vi kan nytte kundemakta. Pamfletten er ein del av Samlagets serie «Norsk Røyndom». Omtalen er utarbeidd av BS.
