Inga er fødd med kunstnarevner på kongsgarden Luro nord for Bergen på 1300-talet. Evnene blir ikkje verdsett under oppveksten, og då Svartedauden kjem rømmer ho til Bjørgvin. Her blir ho teken inn i eit hemmeleg laug av kvinner. Dei samlar seg om trua på St. Margrete, den norske prinsessa som vart brend på bålet i Bjørgvin i 1301. Kvinnene står saman i striden mot pesten og alt vondt som kjem etter. For Inga opnar det seg ei ny verd kor ho finn rom for både kjærleik og skaparkraft. Omtalen er utarbeidd av BS.
