I denne boka har Solveig Aareskjold samla tekstar om tøffe jenter gjennom tre tusen år. Her møter vi ei rekkje sterke kvinner, frå den sjølvrådige kongsdottera i Odysseen til heltinna i Jane Austens Northanger Abbey og Katniss i The Hunger Games. Tekstane følger litteraturhistoria gjennom romartida, vikingtida, renessansen, barokken, atten- og nittenhundretalet og fram til vår tid. Målet med boka er at ungdom og foreldre, elevar og lærarar skal bli kjende med ein litteratur der jenter og kvinner er synlege i gode og spanande forteljingar. Dette uavhengig av om dei leitar etter kjærleik, søkjer mot det ukjende eller mot trygge stillingar i sitt eige samfunn.
