"Illustrert norsk kristendomshistorie" er historia om ei tru som var med å forme det norske samfunnet til det det er i dag. Den kristne trua har spela ei avgjerande rolle for utviklinga av det norske skriftspråket og den norske mentaliteten. Kunstnarar har henta motiv og inspirasjon frå henne, og framleis gjev ho stoff til nokre av dei mest intense offentlege diskusjonane vi har her til lands. Boka vil første og fremst dekkje behovet for ei innføring i kristendomshistorie for norske lærarstudentar. Første del av boka følgjer historia kronologisk frå kristningsperioden og fram til i dag. Den andre delen innehelp fordjupingsartiklar som er særleg aktuelle for dei som tek påbyggingseiningar eller vidareutdanning innanfor kristendoms-, religions- og livssynskunnskap (KRL). Utvalet av illustrasjonar er breitt, og til kvart bilete følgjer det med ein utfyllande tekst. Litteraturliste, ordforklaringer, årstalsliste, biletliste, person- og stikkordregister.
