Dersom styremaktene er villige til å lytta til kva dei unge seier, finst det eit opplagt rekrutteringspotensial til landbruket. For dei unge i ei postmoderne tid står bygda og garden fram som eit alternativ til urbane forbrukersamfunnet, til stress og til runddansen omkring nye forbruksvarer, opplevingar og spenning. Denne offensive og optimistiske boka freistar derfor å utvikla eit nytt syn på landbruket, der verdiar er viktigare enn pengar og ting. Landbrukspolitikken har i stor monn redusert gardsdrift til spørsmål om kroner og øre og subsidiar. Dei unge er meir opptekne av sosiale, kulturelle og økologiske verdiar, seier forfattaren og provoserer styremaktene til å tenkja nytt, til å legge forholda til rette for eit alternativt landbruk. Dag Jørund Lønning (f. 1967) er gardbrukar og utdanna sosialantropolog. I 1998 blei han leiar av eit treårig prosjekt: "Rekruttering av ungdom til landbruket" i regi av Fylkesmannen i Hordaland. Med notar og litteraturliste.
