Dette er Oddgeir Bruasets sjette bok om menneske som stod åleine i kampen mot svolt, fare og naturkrefter, og no er turen kommen til Rogaland. Her er soger om budeier som fødde i stølsvegane, og om barske menn som med spedbarnet ved bringa gjekk milevis over vinterfjellet for å få det kristna i ei kyrkje. Her er soger om fattigfolk som gjorde alt for å tene ein ekstra slant og det er soga om gamle Aasina som fekk smaken på kritpipa alt i eittårsalderen. Før har Bruaset henta stoffet frå Sunnmøre, Nordfjord, Sogn og Hardanger.
