Bjarkøyretten er den eldste bylova i Noreg, og dette er den første omsetjinga av lovteksten til moderne norsk, omlag 750 år etter at lova sist regulerte livet i Trondheim. Lovteksten gir eit gripande og levande gløtt inn i eit norsk bysamfunn i mellomalderen. Paragrafane fortel om økonomiske og politiske tilhøve så vel som samlivsformer, valdsbruk, seksualitet og det jamne dagleglivet. Mest dramatikk er det over straffelovgjevinga, der reglane om fysisk avstraffing er detaljert og makaber lesning for for mange i dag. Boka inneheld ei grundig innleiing om lovteksten og samfunnet. Med utdjupande merknader, ordforklaringar og sak- og namnereg.
